Qaraózek rayonı hákimligi májilisler zalında sektor basshıları, hákim orınbasarları hám tiyisli taraw basshıları qatnasında ushırasıw bolıp ótti.
Onda shıǵıp sóylewshiler tárepinen Ózbekstan hám Túrkmenstan arasındaǵı jaqın qońsıshılıq qarım-qatnasıqların ele de bekkemlew maqsetinde, Ózbekstan Respublikasına 52 vagonda 2000 tonna suyıltırılǵan gaz jiberilgenligi, sonday-aq húrmetli Prezidentimiz tárepinen Qaraqalpaqstan Respublikasındaǵı alıs aymaqlarda jasawshı, gaz jetip barmaǵan shańaraqlardı biypul gaz benen támiyinlew maqsetinde 26 vagon yaǵnıy 1000 tonna suyıltırılǵan gaz kelip jetkenligi ayrıqsha atap ótildi.
Bunnan soń rayon sektor basshıları tárepinen aymaqtaǵı eń alıs hám gaz jetip barmaǵan shańaraqlardıń dizimin qáliplestiriw, suyıltırılǵan gazdi tarqatıw mexanizimi boyınsha túsindirildi hámde tiyisli taraw basshılarına anıq tapsırmalar belgilep berildi.