Búgin rayon hákimligi málimleme xızmeti Ádillik bólimi menen birgelikte ótken dáwir ishinde bólim tárepinen nızam hújjetlerdiń orınlanıwı hám bul baǵdardaǵı ámelge asırılǵan jumıslardıń nátiyjesi boyınsha ashıq sáwbet ótkerildi.
Onda rayonlıq ádillik bólimi baslıǵı wazıypasın atqarawshı A. Kervenov, 2022 jıldıń 12 ayı dawamında Qaraózek rayonı ádillik bólimi tárepinen islengen jumısları boyınsha esabat berip ótti.

Atap aytqanda, fizikalıq hám yuridikalıq shaxslardan 212 arza hám shaǵımlar kelip túsip sonnan 14 múrəjat kóshpeli qabıllawda kelip, 212 múrájat kórip shıǵıldı, sonnan 191 múrájat qanaatlandırıldı hám 21 múrájatqa huqıqıy túsinikler berildi.
Sudlarǵa puqaralardıń mápin gózlep 194 dawa arzalar kirgizilip, puqaralardıń huqıqları tiklenbekte. Ádillik bólimine kelip túsken múrájatlar kórip shıǵılǵanda, eń kóp múrájatlar insan huqıqların qorǵaw máselelerine baylanıslı ekenligi anıqlandı. Nızamlardıń durıs orınlanıwı boyınsha 63 úyreniwler ótkerilip, 6525 nızam buzıwshılıq jaǵdayları anıqlandı.
Bunnan soń Qaraózek rayonı yuridikalıq xızmet kórsetiw orayı baslıǵı A. Reymov shıǵıp sóylep, nızamshılıqtaǵı keyingi ózgerisler boyınsha túsinik berip ótti.

Qaraózek rayonı hákimligi málimleme xızmeti