Qaraózek rayonında Ózbekstan jawınger-veteranlar hám mayıplar birlespesi tárepinen Awǵanıstan áskeriy háreketleri tamamlanǵanlıǵına 34 jıl tolıw múnásibeti menen ushırasıw bolıp ótti.
Ushırasıw dawamında shıǵıp sóylewshiler, sol dáwirdegi mártlik kórsetken jerleslerimizdi maqtanısh etip, endigi jaǵında tınıshlıqtıń qádirine jetiw, sol waqıtlardaǵı jawıngerlerimizdiń kórgen qıyınshılıqların aytıp ótti.

Bárshemizge málim 1979-1989 jıllar dawamında Awǵanıstan aymaǵında bolıp ótken áskeriy háreketlerde Respublikamızdan 3 580 jawıngerler qatnasqan bolsa, sonnan Qaraózek rayonınan 91 jawınger áskerlerimiz márdana qantasqan.
Mine usı ullı kúnde hámmemiz eń áwele, urıs maydanlarınan qaytpaǵan, usı tınısh zaman kúnlerge jetip kele almaǵan áziz insanlardı yad etip, olardıń pák ruwhlarına húrmet keltirdi.
Ilaj sońında, rayon hákimligi hám bir qatar qáwender shólkemler tárepinen Awǵanıstan áskeriy háreketlerinde qaytıs bolǵan jawıngerlerdiń shańaraqlarınan xabar alınıp, sawǵalar tapsırıldı.

Qaraózek rayonı hákimligi málimleme xızmeti