Balalar máseleleri boyınsha Qaraózek rayonı komissiyası is rejesine tiykar ulıwma orta bilim beriw mektepleri hám kásip-óner mektebi oqıwshılarınıń májbúriy bilim alıwdan bas tartıp shınıǵıwlarǵa ayırım sebepsiz kelmey atırǵan, turaqlı túrde qatnaspay atırǵan oqıwshılardı anıqlaw hám olardı bilimge qamtıw alıp barıw maqsetinde rayonda keń qamtıwlı “Oqıwshı”, “Qatnas” ilajları ótkerilmekte.

Ilaj dawamında bilimlendiriw mákemeleriniń 9-11-klass oqıwshılarınıń sabaq shınıǵıwlarına qatnasıw barısları úyrenilip, sebepli hám sebepsiz mektepke kelmegen oqıwshılar sebepleri úyrenildi. Oqıwshılarǵa bilimlendiriw mákemesi aymaǵında uyalı baylanıs telefonlarınan paydalanıw hám oqıwshılardıń smartfonlarında qadaǵan etilgen materiallar barı yaki joqlıǵı tekserildi.
Sonday-aq usı kúni náshebentlikke qarsı gúresiw hám hár qıylı jat illetlerdiń aldın alıw boyınsha túsinik jumısları alıp barıldı.
Qaraózek rayonı hákimligi málimleme xızmeti.