Úlkemizge báhár máwsiminiń kirip keliwinede sanawlı kúnler qaldı. Sonlıqtanda átirap aymaqtı jabayı shóplerden hám hár qıylı shıǵındılardan tazalaw jumısları ǵalaba baslanıp ketti.
Bul boyınsha Respublikamız basshısı videoselektor májilisinde taraw basshılarına qatań tapsırmalar berip, shıǵındılardı tez kún ishinde saplastırıw ilajlarına toqtap ótken edi.
Búgin rayondaǵı tórt sektor baslıqları bul jumıslardıń barısı, kóp qabatlı turaq jaylar menen jol boylarındaǵı abadanlastırıw jumısların kózden ótkerdi hám taraw basshılarına tapsırmalar berildi.

Húrmetli rayonımız turǵınları!
Hár birimiz bul iske óz úlesimizdi qosıp rayonımızdıń kórkem, abadan, taza bolıwında járdemlerimizdi ayamayıq sebebi, bul úlkede ózlerimizdiń keleshek áwladlarımız tárbiyalanıp atır!
Qaraózek rayonı hákimliginiń málimleme xızmeti