Ullı oyshıl alım, orta ásirdiń ullı ulamalarınan Abu Rayxon Beruniy óz dáwiriniń bárshe pánlerin, birinshi náwbette astronomiya, fizika, matematika pánlerin puqta iyelegen.
Bul pánler rawajlanıwına qosqan úlesi menen onıń atı dúnya pániniń ullı kelbetleri qatarınan orın aldı.
Ózbekstan Respublikası Prezidentiniń 2022-jıl 25-avgust kungi «Ullı oyshıl hám alım Abu Rayxan Beruniy tuwılǵanlıǵınıń 1050 jıllıǵın xalıqaralıq kólemde keń túrde belgilew haqqında» ǵı PQ-361 sanlı qararınıń orınlanıwın támiyinlew maqsetinde, Qaraózek rayonındaǵı 16-sanlı Balalar muzıka hám kórkem-óner mektebinde «Abu Rayxan Beruniy 1050 jasta» súreni astında ruwxıy-aǵartıwshılıq ilaj shólkemlestirildi.
Ilaj dawamında jazıwshılar hám jurnalistlar dóretiwshilik awqamları aǵzaları, jası úlken nuranıylar, shayırlar qatnasında ushırasıw shólkemlestirildi.

Ilaj dawamında óziniń tákirarlanbas dóretpeleri hám de dúnya júzilik jańa ashılıwları menen jáhán ilimi hám mádeniyatı rawajlanıwına júdá úlken úles qosqan ullı oyshıl hám alım, dáslepki Renessans dáwiriniń kórnekli wákili Abu Rayxan Beruniydiń ilimiy-aǵartıwshılıq miyrasları, dóretiwshiligi hám ómiri haqqında maǵlıwmatlar berildi.
Ilajǵa jazıwshı hám jurnalistler dóretiwshilik awqamları, «Márifat» úgit-násiyatshılar jámiyeti aǵzaları, jası úlken nuranıylar, birge islesiwshi mákeme hám shólkemler xızmetkerleri, ulıwma bilim beriw mektepleriniń ruwxıy-aǵartıwshılıq isleri boyınsha direktor orınbasarları, dóretiwshilik-mádeniy máseleler boyınsha úgit-násiyatshılar, qábiletli jaslar qatnastı.
Búgingi ilaj dawamında qánigelestirilgen mekteptiń oqıwshı jasları hám 5-sanlı Mámleketlik mektepke shekemgi bilimlendiriw shólkemi tárbiyalanıwshıları tárepinen dóretiwshilik shıǵıwlar hám saxna kórinisleri qoyıp berildi.