Qabıllaw rayondaǵı «Berdaq» APJ «Kepe» awılında bolıp, oǵan rayon hákimi U.Utambetov, rayondaǵı mákeme, shólkem basshıları menen aymaq turǵınları qatnastı.

Qabıllawda puqaralar tárepinen ishimlik suw, egislik jer ajıratıw, ishki jollardı ońlaw hám materiallıq járdemler beriw boyınsha túsken múrájatlar kórip shıǵılıp, sol orınnıń ózinde unamlı sheshimin taptı.
Sonday-aq, aymaqtaǵı bántligi támiyinlenbegen puqaralardı jumıs penen bánt etiw ushın hákim járdemshisi, jaslar jetekshisi hám hayal-qızlar belsendisiniń islep atırǵan jumısları kórip shıǵılıp, aldaǵı islenetuǵın wazıypaları belgilep alındı.

Qaraózek rayonı hákimliginiń málimleme xızmeti