Qaraqalpaqstan Respublikası Shańaraq hám hayal-qızlar komiteti baslaması menen, jumıssız shańaraǵında úy aldı qıytaq jeri bar biraq, paydalana almay otırǵan hayal-qızlardıń úy aldı jerlerinen nátiyjeli paydalanıwı boyınsha, Ellikqala rayonında Qaraózek rayonınan barǵan hayal-qızlar ushın kórgizbeli seminar shólkemlestirildi.
Olar dáslep, rayon orayındaǵı “Amir Temur” botanika baǵındaǵı abadanlastırıw jumısları menen tanıstı.
Seminar dawamında baǵta tárbiyalanıp atırǵan terek, miywe hám gúller haqqında tájiriybeli qánigeler tárepinen keń túrde túsinikler aldı hám qızıqtırǵan sorawlarına juwaplar berildi.

Qaraózek rayonı hákimligi málimleme xızmeti.