Qaraqalpaqstan Respublikası Joqarǵı Keńesi tárepinen «Jasıl mákan» ulıwma milliy joybarı sheńberinde qala hám rayonlarda máhálleler aymaqlarında dekorativ hám miywe nállerin egiw hár bir sociallıq obektler, mádeniy dem alıw orınları kafe, restoranlar átiraplarında sanitariyalıq tazalıq, abadanlastırıw jumıslarınıń barısın qadaǵalaw boyınsha dúzilgen isshi topar aǵzaları, Qaraózek rayonında bolıp, taraw basshıları menen májilis ótkerdi.

Májiliske Qaraqalpaqstan Respublikası Joqarǵı Keńesiniń komitet baslıǵı D. Utambetov, Joqarǵı Keńes deputatı K. Karimov hám rayondaǵı isshi topar aǵzaları qatnastı.
Onda «Jasıl mákan» ulıwma milliy joybarı sheńberinde rayonda islenetuǵın jumıslar qarap shıǵılıp, miyweli hám dekorativ terek nállerin tayarlaw hám kógerip shıqqan nállerge tárbiya beriw jumısların alıp barıwǵa toqtap ótti.
Bunnan soń, rayonlıq mámleketlik toǵay xojalıǵındaǵı egilgen nállerdiń tárbiyası, biogumus hám kopost tayarlaw jumısları menen tanısıp shıqtı. 

Qaraózek rayonı hákimligi málimleme xızmeti