Qaraqalpaqstan Respublikası Prokurorı tapsırmasına tiykar xalıq arasında «Ana hám bala» salamatlıǵın qorǵaw, gigiena qaǵıydalarına ámel etiw, hár bir ata-ana perzentleriniń tárbiyasına, oqıwlarına itibarlı bolıwı ushın úgit-násiyat jumısların alıp barıw boyınsha sektor baslıqları tárepinen qospa biylik qabıl etildi.

Usı biylik tiykarında, xalıq arasında úlken abırayǵa iye nuranıylar, shıpaker hám muǵállimlerden ibarat bolǵan isshi topar, 2-sektor aymaǵındaǵı «A. Dosnazarov» APJ «Nurımtúbek» awılı turǵınları menen ushırasıw ótkerdi.

Ushırasıwda, mámleketiimizde alıp barılıp atırǵan reformalar tiykarında turmısımızda júz berip atırǵan unamlı ózgerisler, jaslarımızǵa jaratılǵan sharayatlar menen alıs awıllıq jerlerde jasawshı xalıqtı sociallıq jaqtan qollap-quwatlaw baǵdarındaǵı islenip atırǵan jumıslar haqqında atap ótildi.
Sonday-aq, bala tárbiyasında ata-ananıń shańaraqtaǵı ornı, salamat anadan salamat bala tuwılıwına itibar qaratıw, mekteplerde oqıtıwshılarǵa júkletilgen wazıypalar boyınsha jası úlken nuranıylar óz másláhátlerin berip, aymaq xalqı menen keń túrde sáwbet alıp bardı.
Qaraózek rayonı hákimligi málimleme xızmeti