“Jasıl mákan” ulıwma milliy joybarın ámelge asırıw boyınsha, Qaraózek rayonında da joybar sheńberinde 2023-jıldıń báhár máwsiminde 420 mıń túp terek nállerin otırǵızıw jumısları shɵlkemlestiriledi.
Usı múnásibet penen rayonda nál egiw jumıslarınına arnalǵan seminar bolıp ótti.
Seminarǵa rayon hákiminiń orınbasarları hám rayondaǵı tiyisli taraw basshıları qatnastı. Onda shıǵıp sóylewshiler, áhmiyetli akciya dawamında terek egiletuǵın jerlerdi sapalı tayarlaw kerekligin atap ótti. Bunnan soń, seminar qatnasıwshıları eki gektardan aslam maydanǵa miyweli hám dekortiv terek nállerin egiw jumısların ámelge asırdı.
Joybar sheńberinde nál egiw jumısları rayonımız boylap hár kúni dawam etedi.

Qaraózek rayonı hákimligi málimleme xızmeti