Dáslep, Húrliman Nietbaeva ózi bilim alǵan 28-sanlı mektep jámááti ustazları hám 16-sanlı Balalar muzıka hám kórkem óner mektebiniń keń jámiyetshiligi , ol jerdegi baqsıshılıq boyınsha birinshi ustazı Amangúl Bekbosınovalar menen ushırasıwı bolıp ótti.
Ushırasıwda H. Nietbaeva ózi oqıǵan mektep muǵállimlerine birinshi ustazı Amangúl Bekbosınovaǵa sheksiz minnetdarshılıǵın bildirip, bul sıylıqqa birinshi ret jetisiwimde ata-anam hám 16-sanlı Balalar muzıka hám kórkem óner mektebiniń baqsıshılıq hám sazendeshilik bólimindegi ustazlarım -dep atap ótti.

Bunnan soń, házirgi Berdaq atındaǵı Qaraqalpaq mámleketlik universitetiniń vokal óneri qánigeligi boyınsha alıp atırǵan bilimi, sıylıqtı alıwǵa shekemgi qıyınshılıqlırı, izleniwleri mnen dóretiwshiligi boyınsha jaslarǵa, ustazlarına aytıp berdi.
Usı kúni rayon hákimi U.Utambetov Húrliman Nietbaeva menen ushırasıp, onıń ata-anasına, ustazlarına óz minnetdarshılıǵın bildirip, keleshekte Zulfiyaxanımnıń izbasarları kóp bolıwına tilekleslik bildirip, rayon hákimliginiń estelik sawǵaların tapsırdı.

Qaraózek rayonı hákimliginiń málimleme xızmeti