Búgingi kúnde jas áwladlardıń bilim hám tárbiyasına itibarlı bolıw eń baslı wazıypalardan sanaladı.
Sonlıqtanda jaslarımızdı watansúyiwshilik ruwxında tárbiyalaw ushın olarǵa jası úlken atalarımızdıń másláhátleri oǵada zárúr esaplanadı. Usı maqsette, xalqımızdıń salamat turmıs tárizin jaqsılaw, jaslarımızdı hár qıylı jat ideyalardan qorǵaw baǵdarındaǵı jumıslardıń barısına arnalǵan ushırasıw rayondaǵı «A. Dosnazarov» APJ da bolıp ótti.
Oǵan rayon prokurorı N. Djolamanov, máhálle hám shańaraqtı qollap-quwatlaw bólimi baslıǵınıń orınbasarı M. Gúlimbetov, awıl jas úlkenleri, shıpaker menen muǵállimler qatnastı.

Ushırasıwda, mámleketiimizde alıp barılıp atırǵan reformalar tiykarında turmısımızda júz berip atırǵan unamlı ózgerisler, jaslarımızǵa jaratılǵan sharayatlar menen alıs awıllıq jerlerde jasawshı xalıqtı sociallıq jaqtan qollap-quwatlaw baǵdarındaǵı islenip atırǵan jumıslar haqqında atap ótildi.
Sonday-aq, ushırasıwdıń tiykarǵı teması bala tárbiyasında ata-ananıń shańaraqtaǵı ornı, salamat anadan salamat bala tuwılıwına itibar qaratıw, mekteplerde oqıtıwshılarǵa júkletilgen wazıypalar boyınsha jası úlken nuranıylar óz másláhátlerin berip, aymaq xalqı menen keń túrde sáwbet alıp barıldı.
Qaraózek rayonı hákimliginiń málimleme xızmeti