Rayondaǵı hákim járdemshileri tárepinen aymaq turǵınlarınıń bántligin támiyinlew baǵdarında bir qatar jumıslar alıp barılmaqta.
Media-tur dawamında shańaraqlıq isbilermenligin jolǵa qoyǵan “Ǵárezsizlik guzarı” MPJ ǵı «Biybaysha Dental» JShJ hám “Qaraózek” PPJ hám «Mádeniyat» APJ da shólkemlestirilgen «Íssıxana» lardaǵı jumıslar menen hákim járdemshileri, rayon hákimligi málimleme xızmeti, Qaraqalpaqstan teleradiokompaniyası jurnalistleri menen aymaq xalqınıń bántligin támiyinlew, olarǵa jeńilletilgen kreditler alıp beriw baǵdarındaǵı jumısları boyınsha media-tur shólkemlestirildi.

Media-tur dawamında, qatnasıwshılar isbilermenler menen ıssıxanalardaǵı alıp barılıp atırǵan jumıslar menen tanısıp, olar menen keńnen pikirlesip, óz-ara tájiriybeler almastı.
Sonday-aq, Prezidentimiz basshılıǵında isbilermenlikti rawajlandırıw arqalı kámbaǵallıqtı qısqartıwǵa qaratılǵan ilajları tiykarında puqaralardıń bántligin támiyinlew ushın hár bir aymaqtaǵı jumıssız xalıqtı isbilermenlikke oqıtıw kursların shólkemlestiriw zárúr ekenligi atap ótildi.
Qaraózek rayonı hákimliginiń málimleme xızmeti