«Úsh áwlad ushırasıwı» dep atalatuǵın bul sɵzde úlken máni bar.
ϴytkeni, jası úlkenge húrmet, jas kishige izzet kórsetiw xalqımızǵa tán pazıyletlerden sanaladı.
Soӊǵı jılları elimizde bul dástúr áwladtan-áwladqa dawam etip, úsh áwladtı birlestirmekte.

Búgin rayonımızdıń payızlı orınlarınıń birinde “Úsh áwlad ushırasıwı” ilajı ótkerildi.
Ilajda rayon hákiminiń orınbasarı Q.Azerbaev, Nuranıy qorı Qaraqalpaqstan Respublikası bólimi baslıǵı T.Abdijabbarovlar shıǵıp sóylep, turmısımızda úlken tájiriybe mektebin jaratıp úlgergen nuranıylarımızdıń ɵmir jolı menen mol turmıs tájiriybesi búgingi áwladqa ɵrnek bolatuǵınlıǵın ayrıqsha atap ɵtti.
Ilaj dawamında bir qatar nuranıylarımız sózge shıǵıp, jaslarımızǵa ózleriniń erisken jetiskenliklerin aytıp, olarǵa jaratılǵan imkaniyatlardan durıs paydalanıw, hár qıylı jat illetlerden awlaq júriw boyınsha aqıl keńeslerin berip ótti.
Ushırasıw qatnasıwshılardıń pikir alısıwları menen dawam etti.

Qaraózek rayonı hákimliginiń málimleme xızmeti