Qaraqalpaqstan Respublikası ádillik ministri tárepinen 2023-jıl 23-mart kúni tastıyıqlanǵan “Qaraqalpaqstan Respublikası ádillik ministrligi sistemasındaǵı xızmetkerler tárepinen Ózbekstanda referendum ótkeriw tártibi hám onıń huqıqıy tiykarları haqqında mámleketlik organlar hám shólkemlerdiń juwapker xızmetkerlerine jetkeriw boyınsha mánzilli úgit-násiyat ilajların shólkemlestiriw «REJE-GRAFIK» ke tiykar, Qaraózek rayonı ádillik bólimi, shańaraq hám hayal-qızlar bólimi menen birgelikte aymaqlardaǵı hayal-qızlar belsendileri ushın úgit-násiyat ilajı shólkemlestirildi.

Ilajda usı jıldıń 30-aprel kúni mámleketimizde úlken siyasiy mapaz referendum ótkeriliwi belgilengenligi, 2001-jıl 30-avgust kúngi 265-II-sanlı Ózbekstan Respublikası referendumı haqqındaǵı Nızamınıń mazmun-mánisi, referendum ótkeriwdiń tiykarǵı principleri, referendumda qatnasıw huqıqı oǵan tayarlıq kóriw hám ótkeriwde ashıqlıq hám áshkaralıq, múddetinen aldın dawıs beriw tártibi, referendum kúni dawıs beriw waqtı hám jeri, dawıs beriw tártibi hám nızamda kórsetilgen basqada huqıqıy normalar haqqında túsinikler berildi.

Qaraózek rayonı hákimliginiń málimleme xızmeti