Qaraózek rayonı hákimliginiń májilisler zalında Qaraqalpaqstan Respublikası Joqarǵı Keńesi tárepinen rayonǵa bekitilgen úgit-násiyatlaw toparı aǵzası, M. Abdirov, Ózbekstan Respublikası Oliy Majlis Nızamshılıq Palatası deputatı B. Aldamuratov, Xalıq deputatları rayonlıq Keńesi deputatları, bilimlendiriw tarawı xızmetkerleri, máhálle belsendileri hám shólkem wákilleri qatnasıwında úgit-násiyat ilajı ótkerildi.

Ilajda shıǵıp sóylewshiler, mámleketimizde ámelge asırılıp atırılǵan social-ekonomikalıq reformalardıń mazmun-mánisi, ásirese jámiyette «Insan qádiri ushın» principi tiykarında xalqımızdıń párawanlıǵın arttırıw, ekonomika tarmaqların transformaciya qılıw hám isbilermenlikti jedel rawajlandırıw barısındaǵı ámelge asırılıp atırılǵan jumıslar atap ótildi.
Sonday-aq, Ózbekstan Respublikasınıń jańalanıp atırǵan Konstituciyasınıń mazmunı hám áhmiyeti haqqında keń túrde túsinik berilip, Konstituciyalıq Nızam joybarı boyınsha usı jıldıń 30-aprel kúni bolıp ótetuǵın Referendumǵa belsene qatnasıwǵa shaqırdı.
Ilaj sońında rayon aymaǵında úgit-násiyat toparınıń jumısların jetilistiriw boyınsha pikir usınıslar ortaǵa taslanıp, aldaǵı rejeler belgilendi.

Qaraózek rayonı hákimliginiń málimleme xızmeti