Ózbekstan Respublikası Prezidenti Sh. Mirziyoevtiń 2022-jıl 25-oktyabrdegi «2022-2023 jıllarda máhálleler infrastrukturasın jáne de jaqsılaw boyınsha qosımsha ilajlar haqkında»ǵı 408-sanlı qararı tiykarında Qaraózek rayonında bir qatar unamlı jumıslar ámelge asırılmaqta.

Qarar tiykarında rayonımız boyınsha 6 mlrd 929 mln sumlıq qurılıs ońlaw jumısların alıp barıw alıp barıw rejelestirilgen.
Eń dáslep aymaqlıq jumısshı topar tárepinen xalıqtıń turmıs dárejesine keri tásir etiwshi máseleler úyrenilip, aymaqlar kesiminde 2022-2023-jıllarda máhálleler infrastrukturasın rawajlandırıw boyınsha baǵdarlamalar islep shıǵıldı.
Atap aytqanda, «Esimózek» awıl puqaralar jıyını aymaǵı 2019-jılı «Abat awıl» mámleketlik baǵdarlamasına kirgizilip, kósheler ońlanıp, olarǵa jaqtılandırıwshı shıraqlar ornatıldı.
Jańadan 160 orınlıq balalar baqshası qurılıp, 11-sanlı ulıwma orta bilim beriw mektebine rekonstrukciya jumısları júrgizildi. Elektr liniyaları jańadan tartılıp, jańa transformatorlar qurıp berildi. Sonday-aq, ótken jılı jıyın orayında burın jabılıp qalǵan shańaraqlıq shıpakerlik punkti qaytadan ashılıp, óz jumısın basladı. Sonday-aq, Atalıq hám Qoshqarbay elatlı punktleri tábiyǵıy gazge qayta jalǵap berildi. Namangan wálayatınıń qáwenderliginde 3 elatlı punktke kishi suwdı dushshılandırıwshı stanciyalar qurıp berildi. Ishki jollar ońlanbaqta.
Haqıyqatında, ótken jıllar ishinde Esimózek elatında kóplegen unamlı jumıslar ámelge asırılıp, aymaqta islenip atırǵan bunday jumıslar aymaq xalqı turmısınıń jáne de abadanlasıp, olardıń erteńgi kúnge bekkem isenim menen qádem taslawına tiykar bolmaqta.

Qaraózek rayonı hákimliginiń málimleme xızmeti