Búgin rayondaǵı “Qutlı mákan” MPJ aymaǵında jasawshı, Tajenov Sharapat, Jiemuratov Minajatdin hám Abdiǵániev Kamillerdiń úy aldı qıytaq jerlerinde kartoshka egiwge arnalǵan kórgizbeli seminar keńes bolıp ótti.
Seminarǵa aymaq turǵınları menen bir qatar awıl xojalıǵı qánigeleri qatnastı. Seminarda shıǵıp sóylegenler, 2023-jıldıń zúrááti ushın kartoshka, hám basqada awıl xojalıǵı eginlerin óz waqtında egiw hár bir shańaraq aǵzaları azıq-awqat qáwipsizligin támiyinlewge úles qosıw sol arqalı qıytaq jerlerinen dármat tabıw boyınsha óz másláhátlerin berip ótti.
Bıyılǵı jılı rayon boyınsha jámi 421,5 gektar maydanǵa kartoshka egiw jobalastırılǵan bolıp, búgingi kúnde rayonımızǵa alıp kelingen joqarı ónimdarlı kartoshka egiwdiń dáslepki jumısları fermer xojalıqları hám 13 ózin-ózi basqarıw uyımlarındaǵı qıytaq jer iyeleriniń shańaraqlarında baslap jiberildi.
Qaraózek rayonı hákimliginiń málimleme xızmeti