Qaraózek rayonı mámleketlik salıq inspekciyası tárepinen 2023-jıl mart ayı ushın belgilengen 2358,0 mln. swmlıq rejeni 2450,0 mln. swmǵa orınlap, aylıq reje 103,9% payızǵa orınlandı.Shereklik reje 6111,0 mln. swm, tusim 6240,0 swmdı qurap , shereklik reje 102,1% payızǵa orınlandı.
Sonday aq inspeksiya baslıǵı tárepinen 2023-jıl mart ayında 75 isbilermenler menen ushırasıwlar ótkerildi. Kómeklesiw zárúr járdemge mútáj isbilermenlik sub’ektlerinen 75 isbilermen menen jeke ushırasıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik sub’ektleriniń mashqalaları úyrenilip shıǵıldı.
Bársheńizdiń xabarıńız bar, usı jıldıń 16-mart kúni Húrmetli Prezidentimiz Mámleketlik salıq komitetine barıp, salıq uyımları xızmetkerleri menen ushırısıwı waqtında isbilermenlerde menen ushırasıp, olardıń máselelerin úyrenip, salıq nızamshılıǵındaǵı ózgerisler boyınsha túsindiriwler alıp barıp, bir qatar zárúr tapsırmalar bergen edi.
Búgingi kúnde «Salıqshı – isbilermenge kómekshi» principi tiykarında Qaraózek rayonı salıq xızmeti uyımı tárepinen isbilermenlerdiń aldına barǵan halda olardıń mashqalaları úyrenilip, kóshpeli tárizde salıq másláhátleri berilip, hár tárepleme járdemler berilip atır.
Oǵan ayqın mısal retinde Qaraózek rayonında mart ayı dawamında 72 isbilermenlik sub’ektlerinen múrájáátler kelip túsip, olar tolıǵı menen úyrenildi. Nátiyjede, salıq xızmeti uyımları xızmetkerleri járdemi menen 70 múrájáát unamlı sheshimin taptı. Búgingi kúnde basqa shólkemler menen baylanıslı 2 másele qatań qadaǵalawǵa alınıp, sheriklikte sheshiwdiń ilájları kórilmekte.
Sonıń menen birge, úyreniwler dawamında salıq túrleri boyınsha 69 sub’ektlerdiń 104,8 million swmlıq ámeldegi artıqsha tólemleri qaytarıp berildi.
Atap ótiw orınlı, búgingi kúnde salıq tólewshilerge qolaylıqlar jaratıw maqsetinde elektron xızmetler kórsetiw kólemin jánede keńeyttiriw zárúrli faktor bolıp atır.
Mısalı, búgingi kúnde Qaraózek rayonında “E-ijara” avtomatlastırılǵan programmalıq dástúri arqalı isbilermenlerge túsindiriw ilájları alıp barılmaqta.
Haqıyqattan da, Prezidentimiz aytıp ótkenindey, salıq tólewshilerge haqıyqıy mániste járdemshi, úyretiwshi bolıw salıq uyımlarınıń bas wazıypasına aylanıp atır. Usı mánisten alıp qaraǵanda, isbilermenler ushın jáne de jeńillik jaratıw ushın “Avtokameral” avtomatlastırılǵan informaciyalıq sistemasınıń iske túsiriliwi tarawdaǵı úlken jańalıqlardıń biri boldı.
Bul informaciyalıq sisteması arqalı, salıq uyımları salıq tólewshiler iskerliginde tekseriwden aldınǵı analizlerge itibar qaratıp tekseriwlerdi emes, analizlerdi ótkeriwi múmkin. Yaǵnıy, salıq tólewshi iskerligi dawamında qanday da aljasıqlarǵa jol qoyıp atırǵan bolsa yamasa esabatlarında qanday da kemshilikler anıqlanǵan jaǵdayda, avtomatlasqan sistema tezlik penen salıq tólewshiniń jeke kabinetine aljasıqlardı tuwrılaw haqqında xabarnama jiberedi. Sanalı programma ózi kemshiliklerdi anıqlap, waqtında isbilermenge járdemshi bolıp, xabar berip baradı. Eń áhmiyetlisi, bunda insan faktorı aralaspaydı.
Itibarlı táreplerden taǵı biri, salıq reformalarınıń jedellik menen ámelge asırılıwı hámde salıq mexanizmleriniń jánede ápiwayılasıwı nátiyjesinde, jasırın ekonomika keskin qısqarıp, salıq túsimleri sezilerli dárejede artpaqta. Isbilermenlik sub’ektlerine salıq nızamshılıǵına kiritilgen ózgeris hám qosımshalar, jańalıqlar, avtomatlasırılǵan informaciyalıq sistemaları haqqında úzliksiz túrde, tolıq maǵlıwmatlar berip barılmaqta.
Usı mart ayı dawamında «Salıqshı – isbilermenge kómekshi» dástúri arqalı Qaraózek rayonında iskerlik kórsetip kiyatırǵan isbilermenlik sub’ektleri menen baylanıslı salıq huqıqbuzarlıqları haqqında múrájáátlar kelip túspedi
Búgingi kúnde qolında óneri bar yaki úyinde jeke tártipte qandayda bir jumıs túri menen shuǵıllanıp kiyatırǵan puqaralarımız da barshılıq. Olardıń ózin ózi bánt etiwi, ish stajına iye bolıwı ushın salıq uyımı xızmetkerleri tárepinen bárqulla járdemler kórsetilip kelinbekte.
Atap ótsek, jıl basınan rayonda 236 puqara ózin ózi bánt etiw dástúri arqalı dizimnen ótip, belgili bir jumıs túrleri menen shuǵıllanıp kelmekte.
Qaraózek rayonı mámleketlik salıq xızmeti uyımları xızmetkerleri tárepinen salıq tólewshilerdiń múrájááti hámde sorawlarına tezlik penen juwap qaytarıw maqsetinde telegramm messenjeri gruppaları shólkemlestirilgen bolıp (320 den artıq aǵzası bar) isbilermenlerdiń soraw hámde múrájáátlerine óz waqtında belgilengen tártipte juwapları berilmekte.
Egerde sizler tárepinen salıq tarawına baylanıslı sorawlarıńız yaki mashqalalarıńız bolsa tómendegi telefon nomerleri arqalı soraw jollawıńız múmkin. (61) 465-54-13, (61) 465-42-85
Sonday-aq, 99-269-45-20 nomerli telegramm messenjerinde jazba múrájáát etiwińiz múmkin.
Húrmetli isbilermenler!
Qaraózek rayonı mámleketlik salıq uyımları xızmetkerleri salıq tarawına tiyisli barlıq sorawlarıńızǵa juwap beriw, bilmegenlerińizdi úyretiw hám «Salıqshı – isbilermenge kómekshi» principi tiykarında sizge jaqınnan járdem beriwge bárqulla tayın.
Qaraózek rayonı hákimliginiń málimleme xızmeti
