Xalıq bilimlendiriw tarawında shet el tájiriybelerin engizgen halda zamanagóy miynet bazarı talaplarınan kelip shıǵıp ulıwma orta bilim beriw mektepleriniń 11-klass pitkeriwshileriniń kásipke bolǵan qızıǵıwshılıǵın arttırıw hám miynet bazarında talap joqarı bolǵan zamanagóy kásipler haqqında túsinik jumısların alıp barıw maqsetinde, rayonımızda «Kásip hám jaslar ushırasıwı» shólkemlestirildi.

Ushırasıwǵa Samarqand mámleketlik Veterenariya medicinası, sharwashılıq hám biotexnologiyalar universiteti Nókis filialı janındaǵı Nókis Veterenariya medicina texnikumınan qánigeler, mektep ámeliyatshı psixologları hám 11-klass pitkeriwshileri qatnastı. Ushırasıwda qánigeler tárepinen oqıw ornındaǵı jaratılǵan shárt-sharayatlar, qánigelikler hám texnikumdı pitkergennen soń, qaysı kásip iyesi bolıp shıǵatuǵınlıǵın, keleshekte qaysı mákeme hám kárxanalarda xızmet etiw múmkinshiligi jaratılatuǵınlıǵı haqqında keńnen túsinik jumısları alıp barıldı.

Qaraózek rayonı hákimliginiń málimleme xızmeti