Keyingi jıllardı jaslarımızdıń bos waqıtların sport penen ótkeriw baǵdarında mámleketimiz tárepinen bir qatar sharayatlar jaratılmaqta.
Ásirese alıs awıllıq jerlerdegi jaslarımızdı qollap-quwatlaw olardıń sportqa bolǵan qızıǵıwshılıǵın arttırıw maqsetinde rayonnıń awıl hám mákan puqaralar jıyınları aymaqlarınan 10 orında jasıl qaplamalı sport maydanshaları qurıp pitkerildi.

Atap aytqanda «Qaraózek», «Berdaq», «A. Dosnazarov» APJ hám «Qutlı mákan», «Esim», «Qaraózek» PPJ da qurıp pitkerilgen, sport maydanshalarında sportshı jaslarımız emin erkin shuǵıllanıp, Respublika kóleminde ótkerilip atırǵan sport jarıslarına qatnasıp kelmekte.
Usınday sport maydanshasınıń biri rayonnan 46 kilometr uzaqlıqta jaylasqan «Qoybaq» APJ da qurıp pitkerilip, awıl xalqına paydalanıwǵa tapsırıldı.
Usı maydanshanıń ashılıw saltanatı bolıp, onda shıǵıp sóylewshiler awıl jaslarına jaratılıp atırǵan bunday imkaniyatlardan kewilleri tolıp, aldaǵı waqıtlarda bul aymaqtanda elimizge belgili sportshı jaslar shıǵa beriwine tilek bildirdi.
Bunnan soń, qatnasıwshılar awıl jaslarınıń sport oyınların tamasha etti.

Qaraózek rayonı hákimliginiń málimleme xızmeti