Qaraózek rayonında iftarlıq ilajları dawam etpekte. Usı tiykarda, rayondaǵı «Qaraózek» awıl puqaralar jıyınında jasawshı puqaralar ushın rayon hákimligi tárepinen iftarlıq dásturxanı shólkemlestirildi. Ilajda sózge shıqqanlar, bársheni Ramazan ayı menen qutlıqladı hám Ramazan ayı insanlardı óz-ara mehir-miriwbetli bolıwǵa, nuranıylar hám nawqaslardıń, jaqınlardıń jaǵdayından xabar alıwǵa, mútájlerge qayır-saqawat kórsetiwge shaqıratuǵınlıǵın atap ótti.

Ilaj dawamında diniy taraw wákilleri el-xalqımızdıń amanlıǵı, tınıshlıǵı hám awızbirshiligi ushın jaqsı tilekler bildirip, aq patiyaǵa qol jayıldı.

Qaraózek rayonı hákimliginiń málimleme xızmeti