Búgin Qaraózek rayonı hákimi U. Utambetov puqaralardıń múrájatların sheshiw, usınıs hám pikirlerin tıńlaw máqsetinde «Berdaq» MPJ da awıl turǵınları menen ushırasıw ótkerdi.

Onda rayon hákimi shıǵıp sóylep, birinshi gezekte xalıqtı azıq-awqat ónimleri menen menen támiyinlew baslı másele bolıp, bul ushın hár bir shańaraq úy aldı qıytaq jerlerinen ónimli paydalanıw erte piser ónimlerdi waqtında egiw, tárbiya beriw hám shańaraqları tómen xojalıqlarǵa kartoshka egisleri ushın bankler tárepinen jeńilletilgen kreditlerdiń ajıratılıp atırǵanlıǵı boyınsha túsinikler berip ótti.
Ushırasıw dawamında puqaralardan ishimlik suwı, úy aldı qıytaq jerlerin suwǵarıw, jol máseleleri boyınsha bildirilgen múrájatları tiyisli mákeme, shólkem basshılarınıń qatnasıwında tıńlandı hám múrájatları qadaǵalawǵa alınıp, saplastırıw boyınsha tiyisli ilajlar belgilendi.

Qaraózek rayonı hákimliginiń málimleme xızmeti