Búgin rayondaǵı 1-sanlı ulıwma bilim beriw mektebinde mektep oqıwshıları arasında “Jasıl shıraq” jarısı bolıp ótti.
Onda shıǵıp sóylewshiler, oqıwshı jaslarǵa jol háreketi qaǵıydaların úyretiw, olardı jol háreketiniń mádeniyatlı qatnasıwshısı sıpatında tárbiyalaw, huqıqıy sawatxanlıǵın asırıw zárúr ekenligin atap ótti. Jarısta qatnasıwshılar jol háreketi qaǵıydalarına baylanıslı soraw-juwaplar, piyadalar wazıypaları hám háreketine tiyisli sınaqlar, jol-transport hádiysesinde jaraqatlanǵanlarǵa birinshi medicinalıq járdem kórsetiw, jas velosipedshiler jarısı shártinde qatnasıwshı segiz formasındaǵı sızıqtı baspay onıń aralıǵında háreketleniw, tosıqlardı aylanıp ótiw shártlleri boyınsha ózleriniń bilim dárejesin, shaqqanlıǵın sınaqtan ótkerdi.

Solay etip, jarıs sońında jenimpazlar anıqlanıp, I-orındı 33-sanlı mektep komandası, II-orındı 26-sanlı mektep, III-orındı 1-sanlı mektep komandaları jeńip aldı. Jenimpaz komandalar shólkemlestiriwshiler tárepinen diplom hám bahalı sawǵalar menen sıylıqlandı.
Qaraózek rayonı hákimligi málimleme xızmeti