Búgin Qaraózek rayonında ulıwma orta bilim beriw mektepleri arasında Ózbekstan Respublikası Prezidenti sıylıǵı ushın «Shet tilin oqıtıw boyınsha eń jaqsı mektep» tańlawı bolıp ótti.
Tańlawǵa rayondaǵı 32 mektepten 160 oqıwshı qatnasıp, test sınaǵı tiykarında bellesiw alıp bardı.
Tańlaw juwmaǵında 28-sanlı mektep I-orındı, 25-sanlı mektep II-orındı, 22-sanlı mektep III-orınlardı jeńip alıp, rayon hákimliginiń diplomları menen sıylıqlandı.
Sonday-aq eӊ joqarı ball toplap, I-orındı iyelegen 28-sanlı mektep taӊlawdıӊ Qaraqalpaqstan Respublikası basqıshına jollama aldı.
Jeńimpaz bolǵan mektepler 100 mln swm, 75 mln swm hám 50 mln swm kóleminde aqshalay sıylıqlandı.

Qaraózek rayonı hákimliginiń málimleme xızmeti