Búgin Qaraózek rayonı 16-sanlı Balalar muzıka ham kórkem-óner mektebinde «Xalıq konstituciyası menen xalıqshıl mámleketke qaray» súreni astında ruwxıy-aǵartıwshılıq hám úgit-násiyatlaw ilajı bolıp ótti.
Ilajda Ózbekstan mámleketlik jáhán tiller universiteti docenti D.Muitov, Administraciya juwapker xızmetkeri, professor M.Quronov, Ózbekstan estrada juldızı M.Berdievlar miymanda boldı.
Onda sózge shıqkanlar, Jańa Konstituciyanıń búgingi kúnde mámleketimizdiń bárshe tarawlarda tez pát penen rawajlanıp úlken jańalanıwlar bolıp atırǵanlıǵın, mámleketimizdegi bárshe nızam hám qararlardıń tiykarı Konstituciya ekenliginen kelip shıǵıp, onı jańa ózgerisler menen tolıqtırılǵan yaǵnıy elimizdiń, puqaralarımızdıń máplerin qorǵawshı, olardıń erkinliklerin elede bekkemlewshi normalar menen Konstituciyaǵa ózgerisler kiritilip atırǵanlıǵın túsindirip ótti.

Ilaj dawamında Ózbekstan estrada juldızı M.Berdiev hám 16-sanlı Balalar muzıka hám kórkem-óner mektebiniӊ sázendeleri atqarıwındaǵı koncert baǵdarlaması qoyıp berildi.