Bárshe mómin musılmanlar ushın muqqades bolǵan mubarek, Ramazan ayın bıyıl xalqımız múnásip tárizde jaqsı niyetler menen kútip almaqta.
«Ramazan hayıt» bayramı múnásibeti menen «Idris Iyshan» jámáátlik meshitinde «Ramazan hayıt» namazı oqılıp, ata-babalarımızdıń ruwxlarına quran qatım etilip xalqımızǵa awızbirshilik, molshılıq tınıshlıq tiledi.

Bunnan soń rayon hákimi U.Utambetov, bárshe jámáátti, bayram sánesi menen qutlıqlap, elimizge qut-bereket mol ırısqı-nesiybe tiledi.
Bunnan soń «Idris iyshan» jáámátlik meshitiniń imam kátibi A. Idrisov múbárek Ramazan ayında Húrmetli Prezidentimiz tárepinen diniy tarawına qaratıp atırǵan itibarına minnetdarshılıq bildirip, usı ayda kem támiyinlengen, jetim balalardı qollap-quwatlawı, oraza tutqan adamlar ushın iftarlıq dásturxanlarınıń jayılıwı, júreginde nuqsanı bar balalarǵa biypul operaciya járdemleriniń beriliwi hám bir qansha watanlaslarımızdıń umra zıyaratında, Makka hám Madinada bolıp qatqanlıǵı bul da diniy wákillerine bolǵan úlken itibardıń bir kórinsi ekenligin atap ótti.
Haqıyqatında da Ramazan xalqımızdı miyrim-shápáátlikke, qayırlı islerge baǵdarlawshı pazıyletlerimizden sanalanadı.