Búgin rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti.
Sessiyaǵa rayonlıq Keńes deputatları, rayon hákimi, siyasiy partiyalar, mákeme, shólkem basshıları menen ǵalaba xabar quralları wákilleri qatnastı.
Sessiya kún tártibinde rayonlıq Ishki isler bólimi, jınayat isleri boyınsha Qaraózek rayonlıq sudı baslıǵı hám rayonlıq Ádillik bólimleriniń 2023-jıldıń birinshi sheregi dawamında ámelge asırılǵan jumısları boyınsha esabatları tıńlandı.

Sonday-aq, Ózbekstan Respublikası Prezidentiniń Qaraózek rayonındaǵı Xalıq qabıllawxanasına 2023-jıldıń birinshi sheregi dawamında fizikalıq hám yuridikalıq shaxslardan kelip túsken múrájatlardıń orınlanıwı boyınsha ámelge asırılǵan jumıslar kórip shıǵıldı.
Bunnan sоń, sessiya kún tártibi boyınsha Ózbekstan Respublikası Prezidentiniń 2021-jıl 13-aprel kúngi PQ–5072-sanlı qararına muwapıq rayon aymaǵındaǵı sociallıq-ekonomikalıq rawajlandırıwǵa qaratılǵan jámiyetshilik pikiri tiykarında tańlap alınǵan usınıslardı qarjılandırıw haqqında rayonlıq qarjı bólimi baslıǵınıń usınısı dodalandı.
Sessiya sońında kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı
Qaraózek rayonı hákimliginiń málimleme xızmeti