Búgingi baspa sóz konferenciyasına Xalıq deputatları Qaraózek rayonlıq Keńesiniń deputatları, rayon hákimliginiń málimleme xızmeti baslıǵı B. Utepsheevlar qatnastı.
Onda Xalıq deputatları Qaraózek rayonlıq Keńesi 14-sanlı «Qara aǵash» saylaw okrugi deputatı M. Gulimbetov, 1-sanlı «N. Japaqov» saylaw okrugi deputatı Q. Jaqsımuratovlar aymaqlarındaǵı deputatlıq iskerligi boyınsha maǵlıwmatlar berdi.
Maǵlıwmat ornında atap ótiw kerek, Xalıq deputatları Qaraózek rayonlıq Keńesi deputatları tárepinen 2023-jıldıń birinshi sheregi dawamında 54 márte xalıq penen ushırasıwlar hám aymaq turǵınları tárepinen ózlerin qıynap kiyatırǵan 51 másele boyınsha kelip túsken múrájatlardı tiyisli taraw qánigeleri menen birgelikte unamlı sheshiliwinde túsinik jumısların alıp barıp, 30 múrájat úyreniwge alınıp, tiyisli tarawlarǵa deputatlıq soraw hám usınıslar jiberilgen.

Sonday-aq 2023-jıldıń birinshi sheregi dawamında 4 sessiya ótkerilip jámi 45 sheshim qabıl etilgen hám sessiya jumısları rayon hákimliginiń (facebook) social kanalı arqalı tuwrıdan-tuwrı jarıtılıp barıldı hám ryonlıq Keńesiniń is-rejesine tiykar mákeme, shólkemlerdiń 4 málimlemesi, 31 esabatı hámde Xalıq deputatları Qaraózek rayonlıq Keńesiniń wákilligi tiykarında 10 sheshim joybarları tastıyıqlandı. Sheshim joybarları turaqlı komissiya májilislerinde dodalanılıp sessiya kún tártibine usınıs etilgen.
Konferenciyada deputatlar tárepinen usınıs pikirler bildirilip, ashıq sáwbet retinde dawam etti.
Qaraózek rayonı hákimliginiń málimleme xızmeti.