Turdımuratov Genjemurat Íssıxanada pomidor hám qıyar ónimlerin jetilistirmekte

Íssıxana xojalıqlarınıń jumıs nátiyjeliligin arttırıw boyınsha Ózbekstan Respublikası Prezidentiniń qararı tiykarında, Qaraózek rayonındaǵı «Mádeniyat» APJ da 7 orında Íssıxana shólkemlestirilip, búgingi kúnde rayon bazarın arzan pomidor, qıyar ónimleri menen támiyinlep kelmekte.
Aymaqtaǵı jas isbilermen Turdımıratov Genjemurat óz úy qaptalınan 3 sotıx jerge ıssıxana shólkemlestirip, onıń ishine 670 túp qıyar, 220 túp pamidor nállerin egip, búgingi kúnde jetistirgen ónimlerin ishki bazarǵa satıp, bankten alǵan 14 payızlı 48 mln jeńilletilgen kreditin jawıp, bıyılǵı jıldıń sap paydasın xojalıǵına jumsap atır.

Miynetkesh talapshań Genjemurat eginlerine jergilikli tógindide úy qaptalınan shólkemlestirip, biogumus tayarlawdı jolǵa qoydı hám ıssıxanadaǵı barlıq túrdegi eginlerin biogumus penen azıqlandırıp kiyatır.
Pomidordıń Alamina, Buran sortları, qıyardıń Pantino, Apallan sortların egip kútilgendegidey zúráát alıp atırman, al qalǵan jerlerimde bos turǵan joq 26 túp alma, 15 túp almurt, 12 túp erik hám ashıq maydanǵada 100 túpten aslam pomidor nállerin egip, ómirlik joldasım Gulnara, ballarımız benen tań azannan atızdıń ishinen shıqpay bala tárbiyalaǵanday etip tárbiyasın berip atırmız diydi-biz benen sáwbette Genjemurat Turdımuratov.
Onıń alǵa qoyǵan rejesi Íssıxanada jetistirilip atırǵan pomidor qıyar ónimleri bıyılǵı jılda ishki bazarǵa baǵdarlanǵan bolsa, kelesi 2024-jıldan baslap eksportqa shıǵarıwdı rejelestirmekte.

Qaraózek rayonı hákimliginiń málimleme xızmeti