Adam sawdası hám májbúriy miynetke qarsı gúresiw barısında ámelge asırılıp atırǵan jumıslar dodalandı

 

Búgin, Ózbekstan Respublikası Prezidentiniń 2019-jıl 30-iyuldaǵı «Adam sawdası hám májbiriy miynetke qarsı gúresiw sistemasın bunnan bılay da jetilistiriwge baylanıslı qosımsha ilajlar haqqında» ǵı PP-5775-sanlı Pármanı talaplarınıń Taxtakópir hám Qaraózek rayonlarında orınlanıw barısın úyreniw boyınsha, Qaraqalpaqstan Respublikası Joqarǵı Keńesiniń sud-hıqıq máseleleri hám korrupciyaǵa qarsı gúresiw komitetiniń 2023-jıl 8-may kúngi 03-Sh-17-sanlı sheshimi boyınsha Joqarǵı Keńes komitet baslıǵı, isshi topar baslıǵı Z. Reymova basshılıǵında Adam sawdası hám májbúriy miynetke qarsı gúresiw barısında ótken 2022-jıl dawamında hám usı jıldıń birinshi sheregi dawamında ámelge asırılıp atırǵan jumıslar dodalandı.
Ilajǵa, isshi topar aǵzaları, Taxtakópir hám Qaraózek rayonı Adam sawdası hám májbúriy miynetke qarsı gúresiw boyınsha rayonlıq komissiya quramı aǵzaları hám ǵalaba xabar quralları wákilleri qatnastı.

Bunnan soń Qaraqalpaqstan Respublikası Ishki isler ministrliginiń juwaplı xızmetkeri, isshi topar aǵzası X. Djabbiev sózge shıǵıp, Taxtakópir hám Qaraózek rayonlarında Adam sawdası hám májbiriy miynetke qarsı gúresiw barısında ámelge asırılıp atırǵan jumıslar hám ondaǵı jol qoyılǵan qáte kemshiliklerge toqtalıp ótti.
Ilajda Taxtakópir hám Qaraózek rayonı Ishki isler bólimi baslıqları, juwapker komissiya aǵzaları kún tártibindegi máseleler boyınsha bayanat jasadı.
Ilaj dawamında Respublika «Istiqbolli avlod» social-málimleme orayı QQ bólimi baslıǵı, isshi topar aǵzası I. Sharipov rayon komissiya aǵzalarına «Adam sawdası hám májbúriy miynetke qarsı gúresiw» tarawındaǵı áhmiyetli máseleler boyınsha oqıw seminar shólkemlestirdi.

Qaraózek rayonı hákimliginiń málimleme xızmeti