Taxtakópir hámde Qaraózek rayonlarında Qaraqalpaqstan Respublikası Joqarǵı Keńesiniń Sud-huqıq máseleleri hám korrupciyaǵa qarsı gúresiw komiteti baslıǵı Z. Reymova basshılıǵında isshi topar tárepinen Ózbekstan Respublikası Prezidentiniń 2022-jıl 16-maydaǵı PQ-244-sanlı “Xalıqqa narkologik járdem kórsetiw sistemasın jáne de jetilistiriw boyınsha qosımsha ilajlar haqqında” ǵı hámde 2022-jıl
26-aprel kúngi 222 m-sanlı Qararları talaplarınıń orınlanıwı úyrenildi.
Búgingi kúnde mámleketimizde jınayatshılıqqa qarsı gúresiw boyınsha den sawlıqtı saqlaw mákemeleri esabında turǵan narkologik kesellikke shalınǵan shaxslar (spirtli ishimlikke berilgen, náshebent hám ruwhıy keseller) arasında huqıqbuzarlıqlar profilaktikası ámelge asırılıp kelinbekte.
Atap aytqanda, máslik jaǵdayında bolǵan shaxslardı medicinalıq járdem kórsetiw punktlerine jaylastırıw boyınsha tiyisli qararınıń qabıl etiliwi, xalıqqa narkologik járdem kórsetiw sistemasın jáne de jetilistiriwdiń ústin baǵdarları belgilep berildi.
 

Isshi topar aǵzaları Qaraózek rayonı medicina birlespesi quramındaǵı máslik jaǵdayında bolǵan shaxslarǵa medicinalıq járdem kórsetiw punkti hám belgilengen nızam hújjetleri talapların buzǵanlıǵı ushın waqtınsha irkilgen transport quralların saqlaw orınlarındaǵı sharayatlar menen tanıstı.
Úyreniw dawamında anıqlanǵan kemshiliklerdi saplastırıw boyınsha tiyisli uyımlarǵa kórsetpeler berildi.

Qaraózek rayonı hákimliginiń málimleme xızmeti