Qaraózek rayonı hákimligi baslaması menen rayonlıq mektepke shekemgi hám mektep bilimlendiriw bólimi, qánigelestirilgen bilimlendiriw mákemeleri agentligine qaraslı Qaraózek rayonı qánigelestirilgen mektebi menen birgelikte, STEM pánler boyınsha “Hákim kubogi” ushın pán olimpiadası bolıp ótti.
Olimpiadaǵa rayondaǵı 32 mekteptiń 4-6-klass oqıwshıları qatnastı.

Pán olimpiadasın ótkeriwdegi maqset ulıwma orta bilim beriw mekteplerinde, qábiletli oqıwshılardı óziniń qızıqqan pán baǵdarı boyınsha olimpiadalarǵa qatnasıwǵa tayarlaw hám bilimlerin jetilistiriwden ibarat.
Olimpiadaǵa qatnasqan oqıwshılar kún dawamında óz-ara bilimlerin sınaqtan ótkerip, jeńimpazlar anıqlandı.
Jarıs sońında STEM pánler olimiadasınıń Qaraózek rayonı “Hákim kubogi”n 33-sanlı mekteptiń 4-hám 6-klass oqıwshıları jeńip alıwǵa eristi.

Qaraózek rayonı hákimliginiń málimleme xızmeti