Qaraqalpaq xalıq baqsıshılıq óneriniń belgili wákili, xalqımızdıń ásirler boyı toplaǵan bahalı folklorlıq miyrasın házirgi zamanǵa jetkeriwde óziniń salmaqlı úlesin qosqan, Respublikamızdıń barlıq awıl hám qalalarında, końsılas walayatlarda, Túrkmenstan, Qazaqstan Respublikalarınıń xalqında óziniń bay repertuarı, bálent lapızlı ájayıp hawazı menen óshpes iz qaldırǵan Amet baqsı Tarixovtıń eslew hám yubeley keshesi Respublikamızdıń barlıq orınlarında keń túrde belgilenbekte.
A. Tarixovtıń yubeleyine arnalǵan ádebiy-mádeniy ilaj Qaraózek rayonı, «Berdaq» APJ Qazayaqlı awılında **2023-jıldıń 17-may kúni saat 18:00** “Jas baqsı-jırawlar” respublikalıq tańlawında jeńimpaz bolǵan baqsı-jırawlardıń qatnasıwında “Qur” baqsı-jıraw keshesi bolıp ótedi.
Usı keshemizge rayon turǵınların mirát etip qalamız!
Qaraózek rayonı hákimliginiń málimleme xızmeti