Qaraqalpaq xalıq baqsıshılıq óneriniń belgili wákili, xalqımızdıń ásirler boyı toplaǵan bahalı folklorlıq miyrasın házirgi zamanǵa jetkeriwde óziniń salmaqlı úlesin qosqan, bálent lapızlı ájayıp hawazı menen óshpes iz qaldırǵan Amet baqsı Tarixovtıń 100 jıllıǵına arnalıp, Qaraózek rayonı, «Berdaq» APJ Qazayaqlı awılında baqsı-jırawlardıń qatnasıwında “Qur” baqsı-jıraw keshesi bolıp ótti.
Oǵan Respublikamızdan bir qatar shayır jazıwshılar, baqsı jırawlar, A. Tarixovtıń aǵayın tuwısqanları qatnastı.
Ilajda rayon hákimi U. Utambetov, Respublikamızdan kelgen miymanlar keshe qatnasıwshıların qutlıqlap, baqsınıń miynet jolı dóretiwshiligi, Qaraqalpaq mádeniyatı hám kórkem óner tarawındaǵı girewli miynetlerin atap ótti.
Bunnan soń keshege mirat etilgen baqsılar A. Tarixovtıń atqarǵan nama, qosıqların ırǵaǵına keltirip atqarıp, jıynalǵanlarda ózgeshe zawıq baǵıshladı.

Qaraózek rayonı hákimliginiń málimleme xızmeti