Qarar hám onıń orınlanıwı

 

Ózbekstan Respublikası Prezidentiniń 2022-jıl 25-oktyabr kúngi «2022-2023-jıllarda máhálleler infrastrukturasın jáne de jaqsılaw boyınsha qosımsha is-ilajlar haqqında» ǵı PQ-408-sanlı qararına tiykar, Qaraózek rayonı Ⱪoybaq APJ da 2 km, Ⱪaraózek APJ da 4,2 km hám Esimózek APJ da 5,3 km ishki jollar, Ata mákan MPJ da ishki kóshelerine túngi jaqtılandırıw shıraqları hám Madeniyat APJ da suwdı dushshılandırıwshı stanciyasın rekonstrukciya qılıw hám suw tarmaqların tartıw boyınsha qurılıs ońlaw jumısları búgingi kúnde tolıǵı menen juwmaqlandı.
Xalıq deputatları Qaraózek rayonlıq Keńesi deputatları házirgi kúnde qurılıs ońlaw jumısları menen jaqınnan tanısıp, aymaq turǵınlarınıń pikir usınısların tıńlandı.
Mámleketimiz tárepinen jaratılǵan bunday qolaylıqlarǵa aymaq turǵınları razı ekenliklerin bildirdi.

Qaraózek rayonı hákimliginiń málimleme xızmeti