Hár jılı elimizde 25-may kúni xalıq bilimlendiriw tarawında ulıwma orta bilim beriw mekteplerinde sońǵı qońıraw keshesi saltanatlı jaǵdayda belgilenedi.
Rayondaǵı 1-sanlı ulıwma orta bilim beriw mektebinde «Sońǵı qońıraw» ilajı «Ilimdi qádirleń, ilimge umtılıń!» uranı astında shólkemlestirildi.
Ilajda rayon hákimi U. Utambetov sózge shıǵıp, Húrmetli Prezidentimizdiń mektep pitkeriwshine jollaǵan qutlıqlawın oqıp esittirdi.
Bunnan soń rayonlıq XBB baslıǵı A. Qalilaev mektep direktorı R. Gúlimbetov, «Esim» MPJ baslıǵı X. Tólegenovlar sózge shıǵıp, mektep pitkeriwshilerin oqıw jılınıń juwmaqlanıwı menen qızǵın qutlıqladı hám olardıń aldaǵı joqarı oqıw orınlarına kirip ketiwine hám kásipleriniń mamanı bolıp jetilisiwine tilek bildirdi.
Ilaj dawamında oqıw jılında mektep oqıtıwshıları hám oqıwshılarınıń jetiskenlikleri atap ótilip, pitkeriwshiler hám olardıń ata-analarına diplom hám bahalı sawǵalar saltanatlı túrde tapsırıldı.
Bunnan soń pitkeriwshilerdiń tayarlaǵan koncert baǵdarlamaları qatnasıwshılarǵa inam etildi hám dástúriy sońǵı qońıraw qaǵılıp pitkeriwshi jaslar 11 jıl dawamında bilim bergen óz ustazlarına ata-analarına minnetdarshılıqların bildirdi.

Maǵlıwmat ornında atap ótsek, 2022-2023-oqıw jılında rayon boyınsha jámi oqıwshılar sanı 8409 oqıwshı bolıp, olarǵa 1197 pedagog xızmetkerler bilim berip kelmekte.
Atap aytatuǵın bolsaq, «Milliy reyting» nátiyjeleri boyınsha Qaraqalpaqstan Respublikasında: 2019-jıl 1-orındı, 2020-jıl 2-orındı, 2021-jıl 2-orındı, 2022-jıl 1-orındı iyeledi.
Bıyılǵı 2022-2023-oqıw jılına kelip jámi pedagoglar sanı 1178 bolsa, sonnan 158 pedagog joqarı kategoriyalı aldınǵı jılǵa salıstırǵanda 3,4 % átirapında kóbeygenligi, birinshi kategoriya bolsa, 306 yaǵnıy 3 % kóbeygenligi, ekinshi kategoriyalı pedagoglar sanı ótken jılǵa salıstırǵanda 378 ǵa, yaǵnıy 2,1 % kóbeydi.
Jáne de bólimge qaraslı barlıq ulıwma orta bilim beriw mekteplerinde joqarǵı kategoriyalı oqıtıwshılar menen tolıq támiyinlendi.
Jaslardı salamat awlad etip tarbiyalaw boyınsha da bir qatar jumıslar ámelge asırılmaqda.
“Úmit náwsheleri” boyınsha ótkerilgen sport jarıslarda Qaraqalpaqstan Respublikasında Qaraózek rayonı 2015-jılı 3-orındı iyelegen bolsa, 2018-jılda 2-orındı, 2022-jılǵı jarıslarda bolsa, 1-orındı iyelegeni bunıń ayqın bir dálili bolıp esaplanadı.

Qaraózek rayonı hákimligi Málimleme xızmeti