Qaraózek rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti.
Sessiyaǵa rayonlıq Keńes deputatları, rayon hákimi orınbasarları, siyasiy partiyalar, məkeme, shólkem basshıları menen ǵalaba xabar quralları wákilleri qatnastı.
Sessiya kún tártibinde Qaraózek rayonı aymaǵındaǵı sociallıq taraw obektleriniń ısıtıw sistemaların mámleketlik-jeke sheriklik tiykarında modernizaciyalaw haqqındaǵı rayon hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı G.Ametovtıń usınısı hám Qaraózek rayonı aymaǵınan dúzilgen Ózbekstan Respublikası Prezidenti saylawın ótkeriwshi uchastkalıq saylaw komissiyaları quramı boyınsha usınısları dodalandı.
Sonday-aq Qaraózek rayonı hákimi orınbasarı, hayal-qızlardı qollap-quwatlaw bólimi baslıǵı R. Sagidullaevanıń tórtinshi basqısh “Hayallar dápteri” tiykarında ámelge asırılıp atırǵan jumıslarınıń barısı haqqındaǵı esabatı tıńlandı.
Kún tártibindegi turaqlı komissiyalar usınısları boyınsha basqada máselelerge tiyisli sheshimler qabıl etilip, aldaǵı rejeler belgilep alındı.

Qaraózek rayonı hákimligi Málimleme xızmeti