Rayondaǵı «Bárkamal áwlad» balalar mektebi oqıwshılardıń bos waqıtlarında ózleri qızıqqan ónerlerin jetilistiretuǵın birden-bir kásip óner dárgayına aylanıp úlgerdi.
2022-2023-oqıw jılında «Bárkamal áwlad» balalar mektebinde 6-jónelis boyınsha 24-dógerek shólkemlestirilip, bul dógereklerge 854 oqıwshı óz qızıǵıwshılıqlarına qarap qamtıldı.
Sonday-aq «Bárkamal áwlad» balalar mektebi imaratında 14 dógerek, rayonnıń 6-8-9-10-13-24-33-sanlı mekteplerinde 10 dógerek shólkemlestirilgen.
Búgin usı dógereklerge aǵza bolıp, belsendilik kórsetip kiyatırǵan mektep oqıwshılarına «Mámleketlik guwalıq» tapsırıw keshesi ótkerildi. Keshege mektep jámááti, oqıwshılar hám olardıń ata-analar qatnastı.
Onda shıǵıp sóylewshiler mektep oqıwshılarınıń jetiskenlikleri oqıw jılınıń juwmaqları boyınsha maǵlıwmatlar berip, mektepte oqıp bilim alıp atırǵan 567 oqıwshıǵa «Mámleketlik guwalıq» lar hám ata-analarına maqtaw jarlıqları tapsırıldı.
Bayram ilajı mektep oqıwshılarınıń tayarlaǵan koncert baǵdarlamaları menen dawam etti.

Qaraózek rayonı hákimligi Málimleme xızmeti