Qaraózek rayonındaǵı 289 fermer xojalıǵı bıyılǵı jılda 5018 ga maydanǵa egilgen ǵawasha maydanlarına tárbiya beriw ilájların shólkemleskelik jaǵdayında ótkerip atır.
Bıyılǵı báhár máwsiminiń jawın shashınlı keliwi ǵawashalardıń ósip rawajlanıwına azda bolsa keri təsirin tiygizdi.
Rayonımızda bul baǵdarda on altı otryadta jumıs alıp barılıp, qolda bar múmkinshiliklerden utımlı paydalanıp, kultevatorlar járdeminde ǵawashanıń qatar aralarına islew beriw, jumsartıw hám jabayı shóplerden tazartıw jumısları izbe-izlik penen alıp barıp ǵawashalardıń ósip rawajlanıwı ushın isleniwi kerek bolǵan agrotexnikalıq ilájlardı waqtında júrgizip kiyatır.
Búgingi kúnde bul jumıslar «Ak. S. Kamalov» APJ jaylasqan «Ótemis» hám «Shaqap» fermer xojalıqlarında jaqsı jolǵa qoyılıp, ǵawashalardı azotlı hám fosforlı tóginler menen azıqlandırıw jumısların alıp barmaqta.

Qaraózek rayonı hákimligi málimleme xızmeti