Qaraózek rayonında “Jaslar aylıǵı” sheńberinde “Jańa Ózbekstan jasları, birleseyik!” súreni astında ótkerilgen jaslar seyili hám ruwxıy aǵartıwshılıq iajları, rayon jasları qatnasıwında salamat turmıs tárizin úgit-násiyatlaw baǵdarında “Bes mıń qádem” júriw marafonı menen baslandı.
Rayon oraylıq kóshesi boylap start alǵan marafon qatnasıwshıları ushın barlıq qolay sharayatlar jaratıldı.
Búgin “Jaslar aylıǵı” sheńberinde “Jańa Ózbekstan jasları, birleseyik!” súreni astında ótkeriletuǵın jaslar seyili belgilengen baǵdarlama tiykarında túrli ilajlar menen orınlarda dawam etedi.
Qaraózek rayonında “Jaslar aylıǵı” sheńberinde “Jańa Ózbekstan jasları, birleseyik!” súreni astında ótkerilgen jaslar seyili hám ruwxıy aǵartıwshılıq iajları sheńberinde Tashkent qalasınan biriktirilgen mádeniyat xızmetkerleri, jazıwshı shayırlar menen ǵalaba xabar quralları xızmetkerleri rayon orayında jaqsı kútip alındı.
Ilajǵa Respublika Ruwxıylıq hám aǵartıwshılıq orayı “Márifat” úgit-násiyatshılar jámiyeti aǵzaları, Ózbekstanda xızmet kórsetken artist H. Otaxonova, Ózbekstan Jazıwshılar awqamı aǵzası, shayır Z. Mirzaeva, “Nihol” sıylıǵı iyesi F. Normatov, Berdaq atındaǵı qaraqalpaq akademiyalıq muzıkalı teatrı aktrisası S. Seytova, aktyor D. Baymurzaev, Ózbekstan filarmoniyası Qaraqalpaqstan Respublikası bólimi xızmetkeri D. Najimovlar qatnastı.
Bul ushırasıwda rayon hákimi U. Utambetov, miymanlar jaslar menen keń túrde pikir alısıwlar ótkerdi.