Usı jıldıń 6-iyul kúni saat 11:00 de Qaraózek rayonındaǵı «Qarataw» posyolkası aymaǵında jaylasqan 14-sanlı mektep imaratında Qaraózek rayonı aymaǵında qurılıwı belgilengen «Tebinbulaq» káni negizinde taw-kán metallurgiya kompleksi qurılısı joybarınıń ámelge asırılıwına baǵıshlanǵan jǝmiyetlik esittiriw ótkeriledi.
Jámiyetlik esittiriw Ózbekstan Respublikası Ministrler Kabinetiniń 2020-jıl 7-sentyabr kúngi 541-sanlı qararınıń 3-qosımshası talaplarına muwapıq alıp barıladı.
Jámiyetlik esittiriwde joybar haqqında, obekt qurılısında ámelge asırılatuǵın orınǵa jaqın aymaqta jasawshı hám jumıs alıp barıwshı xalıqtıń salamatlıǵına, qorshaǵan ortalıqqa tásiri haqqında,
sonıń menen bir qatarda Qaraózek rayonınıń ekonomikalıq jaqtan rawajlınıwın, xalıqtıń social-ekonomikalıq jaǵdayın jaqsılaw hám joqarı dáramatlı jumıs orınların jaratıw haqqında maǵlıwmatlar beriledi.
Húrmetli Qaraózek rayonı hám Qarataw awılı turǵınları jámiyetlik esittiriwge belsene qatnasıwǵa shaqırıp qalamız!