Ózbekstan Respublikası Ministrler Kabinetiniń 2022-jıl 6-sentyabrdegi “Qaraqalpaqstan Respublikası aymaqların sociallıq-ekonomikalıq rawajlandırıw, qolaylı biznes ortalıǵın jaratıw, innovaciyalıq texnologiyalardı engiziw hám infrastruktura menen támiyinlengenlik dárejesin jánede jaqsılaw arqalı xalıqtıń turmıs dárejesin jaqsılaw boyınsha qosımsha ilajlar haqqında” ǵı 500-sanlı qararı qabıl etilip, usı tiykarda xalıqtı jıllar dawamında qıynap kelgen mashqalalarǵa sheshim tawılıp atır.

Qaraózek rayonında da qarar boyınsha 2023-jılda ishki xojalıq topıraq jollardı qum-shebenli jollarǵa ótkeriw jumısları ámelge asırılıp atır.
Búgingi kúnge shekem rayon boyınsha 20 kilometr aralıqtaǵı ishki jollarǵa qum sheben aralaspasın tósew hám tegislew jumısları júrgizildi.
Xalıq deputatları Ⱪaraózek rayonlıq Keńesi deputatları «Berdaq» awıl puqaralar jıyını aymaǵındaǵı ishki kóshelerdegi qurılıs-ońlaw jumısları menen jaqınnan tanısıp, aymaq turǵınlarınıń pikir usınısların tıńlandı.

Qaraózek rayonı hákimliginiń málimleme xızmeti