Bárshe mómin musılmanlar ushın muqqades bolǵan mubarek Qurban hayıt bayramın xalqımız múnásip tárizde jaqsı niyetler menen kútip almaqta.
Búgin tań azannan bayramı múnásibeti menen «Idris Iyshan» jámáátlik meshitine namaz oqıwshılar jıynalıp, ata-babalarımızdıń ruwxlarına quran qatım etilip xalqımızǵa awızbirshilik, molshılıq tınıshlıq tiledi.

Bunnan soń rayon hákimi U.Utambetov, bárshe jámáátti, rayonımızdaǵı barlıq musılmanlardı bayram múnásibeti menen qızǵın qutlıqlap, elimizdiń abadanlıǵı, rawajlanıwı, tınıshlıǵı ushın jaqsı tileklerin bildirdi.
Bayram múnásebeti menen «Idris iyshan» jáámátlik meshitiniń imam kátibi A. Idrisov Quban hayıtı onı ótkeriw tártibi, qaǵıydaları tuwralı keń túrde túsinik berdi.
Atap ótilgenindey, Húrmetli Prezidentimizdiń diniy tarawına qaratıp atırǵan itibarına minnetdarshılıq bildirip, usı kúnde kem támiyinlengen, jetim balalardı qollap-quwatlaw, mayıplılıǵı bolǵan isanlarǵa járdem beriw qusaǵan qayırlı islerdi kórsetiw xalqımızdıń aǵla pazıyletleriniń biri ekenligin atap ótti.
Haqıyqatında da Qurban hayıt miyrim-shápáátlikke, qayırlı islerge baǵdarlawshı pazıyletlerimizden sanalanadı.

Qaraózek rayonı hákimligi Málimleme xızmeti