Sociallıq tarmaqlar arqalı Kegeyli hám Qaraózek rayonı shegarsınan ótiwshi A. Dosnazarov kanalı Nazar awılınan ótiwshi kópir jaramsız awhalǵa kelip qalǵanlıǵı puqaralardan múrájat jollanǵan.
Bul múrájatta kórsetilgen A. Dosnazarov kanalınıń PK-66 da jaylasqan kópir Qoybaq awıl puqaralar jıyını aymaǵında jaylasqan bolıp, rayonlıq irrigaciya bólimi balansında turadı, múrájat boyınsha tiyisli taraw basshıları sol jerge barıp, kópirdiń házirgi jaǵdayın úyrenip shıqtı.
Úyreniw dawamında kópir kóp jıllardan berli nasaz awhalda ekenligi, kópirdiń ústki bóleginde avtomashinalardıń ótiwi ushın kesent etetuǵın dárejede tesilip qalǵanlıǵı anıqlandı.
Bul kópir irrigaciya bólimi tárepinen rekonstrukciyaǵa kiritilgen bolıp bul jumıslalar basqıshpa-basqısh ámelge asırılatuǵınlıǵın málim etip bildiremiz.

Qaraózek rayonı hákimligi málimleme xızmeti