Hayal-qızlar belsendileri menen ushırasıw ótkerildi

 

Búgin Qaraózek rayonında Qaraqalpaqstan Respublikası Ministrler Keńesi baslıǵınıń orınbasarı, Shańaraq hám hayal-qızlar komiteti baslıǵı M. Axmedova, Qaraqalpaqstan Respublikası musılmanları qazıyatı qazısı Shamsuddin Bahawatdinov, Qaraqalpaqstan Respublikası Ishki isler ministrliginen polkovnik U. Qurbanbaevalar rayondaǵı belsendi hayallar menen ushırastı.
Onda sózge shıqqanlar elimizde ámelge asırılıp atırǵan reformalar nátiyjesinde hayal-qızlardı qollap-quwatlaw boyınsha bir qatar huqıqıy hújjetler qabıl etilgeni, usı tiykarda olarǵa isbilermenlik baǵdarı boyınsha kóplegen jeńillikler berilip usı jeńilliklerden utımlı paydalanıw, sonday-aq bilimlendiriw, mádeniyat, densawlıqtı saqlaw hám basqa da tarawlardaǵı ámelge asırılǵan jumıslar, járdemge mútáj hayal-qızlardı materiallıq, ruwxıy jaqtan qollap-quwatlaw boyınsha da ámelge asırılǵan jumıslar atap ótildi.
Ushırasıw soraw juwaplar menen dawam etti.

Qaraózek rayonı hákimliginiń málimleme xızmeti