Qaraózek rayonı hákimiyatı májilisler zalında Qaraózek rayonında “20 mıń isbilermenge 500 mıń tájriybeli qániyge” baǵdarlamasınıń mazmunın túsindiriw boyınsha seminar shólkemlestirildi.

Seminardı rayon hákiminiń birinshi orınbasrı Q. Azerbaev basqarıp bardı.
Seminarǵa Byudjetten tısqarı pensiya qorı Qaraqalpaqstan Respublikası Basqarma baslıǵı orınbasarı hám «Alokabank» Qaraqalpaqstan Respublikası Regionallıq filialı basqarıwshı orınbasarı, Sawda sanaat palatası rayonlıq bólimi, Kámbaǵallıqtı qısqartıw hám bántlik bólimi, salıq xızmeti, kommerciyalıq bankler, rayonlıq qarjı hám ekonomika bólimi, Kadastr bólimi, hákim járdemshileri hám isbilermenler qatnastı.
Seminardıń tiykarǵı maqseti rayon aymaǵındaǵı isbilermenlik subektleriniń biznes júritiwde ushırasıp atırǵan mashqalaların anıqlaw, olardı birgelikte sheshiw hám saplastırıw, sonday-aq, Prezidentimiz hám húkimetimiz tárepinen isbilermenlerge jaratılıp atırǵan keń imkaniyatlar, salıq jeńillikleri, kredit ajıratıwdaǵı jeńillikler menen isbilermenlerdi tanıstırıwdan ibarat boldı.
Sonday-aq, seminar dawamında Ózbekstan Respublikası Prezidentiniń 2023-jıl 12-iyundaǵı PP-93-sanlı Pármanınıń ámelge asırılıwı, onda isbilermenlerge berilip atırǵan salıq hám bajıxana jeńillikleri, infrastrukturalar menen támiyinlew hám basqada baǵdarlar, kámbaǵal shańaraq aǵzalarınıń bántligin támiyinlewge óz unamlı tásirin tiygiziwi, baǵdarlamadaǵı tiykarǵı jónelisler hám olardan kelip shıǵatuǵın wazıypalarǵa toqtap ótti.

Qaraózek rayonı hákimligi málimleme xızmeti