Qaraózek rayonı «Jaslar orayı» nda rayonlıq Qámbaǵallıqtı qısqartıw hám bántlikke kómeklesiw bólimi menen birgelikte Nókis rayonındaǵı Kerder kásip-ónerge oqıtıw orayına qaraslı rayonlardaǵı oqıw orınlarınıń oqıtıwshı-qánigeleri ushın seminar-trening shólkemlestirildi.
Onda Ministrliktiń Kásipke oqıtıw hám milliy mamanlıq sektorınıń bas qánigesi R. Sadullaeva hám Nókis rayonı Kerder kásip-ónerge oqıtıw orayınıń direktorı Q. Naǵmetullaevlar menen oqıtıwshı-qánigeler qatnastı.
Seminar-trening qatnasıwshıları óz-ara tájiriybe almasıp, ekspertlerden jaslardı kásipke baǵdarlaw hám olardıń bántligin támiyinlew boyınsha alıp barılıp atırǵan jumıslardı bunnan bılay da jetilistiriw baǵdarında zárúrli kórsetpeler aldı.

Qaraózek rayonı hákimligi málimleme xızmeti