Qaraózek rayonındaǵı “Qaraózek” posyolka puqaralar jıyınında rayon hákimliginiń málimleme xızmeti, “Miynet bayraǵı” gazetası, Ózbekstan Respublikası Prezidentiniń Qaraózek rayonındaǵı Xalıq qabıllawxanası, sekretariat wákilleri qatnasında media-tur shólkemlestirildi.
Onda qatnasıwshılar, aymaqtaǵı hákim járdemshisi, hayal-qızlar belsendisi hám jaslar jetekshisiniń jumısların úyrenip, jeӊilletilgen kredit, subsidiya alıp óz isbilermenligin baslaǵan isbilermenlerdiń jumısları menen tanısıp, Ózbekstan Respublikası Prezidentiniń 2022-jıl 31-avgust kúngi PF-213 sanlı pármanı tiykarında isbilermenlerge jaratılıp atırılǵan jeńillikler haqqında maǵlıwmatlar berip ótti.
Sonday-aq aymaqta óz kásibine qızıqqan jaslardı qollap-quwatlaw, jańadan isbilermenligin baslaǵan hayal-qızlardıń jumısları menen olardı qıynap atırǵan mashqalaları úyrenilip, ayırım shańaraqlardıń úy aldı qıytaq jerlerinen únemli paydalanıw boyınsha óz usınıs pikirlerin bildirip ótti.

Qaraózek rayonı hákimliginiń málimleme xızmeti